《城寨英雄》朝霞惨死观众哭崩视频,《城寨英雄》朝霞惨死观众哭崩在第几集

2022-09-30来源：萧翱瘁编辑：佚名标签：

文章导读: 《城寨英雄》结局篇继续热播，昨晚终于播出最观众最唔想睇的一集，因为深受欢迎、王君馨饰演的花曼在呢集惨死！拳佬痛失爱妹、牙佬痛失爱人，观众都边睇边流泪！虽然平时都系叫佢做「花曼」，不过小编相信佢

《城寨英雄》结局篇继续热播，昨晚终于播出最观众最唔想睇的一集，因为深受欢迎、王君馨饰演的花曼在呢集惨死！拳佬痛失爱妹、牙佬痛失爱人，观众都边睇边流泪！虽然平时都系叫佢做「花曼」，不过小编相信佢希望大家称呼佢真名朝霞，所以下文都决定用朝霞……

早前剧情讲到段家牙医诊所众人被杀，段折缰(何启南饰) 死前发现杀手真正身份就系杨竹銮(欧瑞伟饰)，于是用血留下一个符号作提示。其后朝霞终于解开符号其实系一个钵仔糕图案，凶手直指杨老板，所以佢独自潜入钵仔糕厂调查。

但朝霞潜入之事被杨老板发现，佢离去时随即遇上甲辰(张颕康饰) 带领的杀手伏击！朝霞的八极虽厉害，但对方人多势众且刀法如神，不出一会已伤重倒地。

虽然拳佬及时赶到解围，但佢为救妹妹，奋不顾身扑到对方身上，结果头部受甲辰重创！

虽然救到妹妹，但拳佬头部受甲辰重击，双目即时失明！

杀手衬拳佬睇唔到嘢，随即在朝霞身上补一刀，呢个极受欢迎的角色就此一命呜呼……

可怜拳佬双眼睇唔到嘢，尚未知道妹妹已死，依然不断大叫「妹呀！妹呀、」并用手四处摸索，希望可以搵番妹妹，呢幕实在令人心酸……

直至拳佬摸到朝霞冰冷的躯体，方知妹妹已经回不来，用力揽实妹妹仰天大叫、痛哭…… 兄妹苦候十多年先可以重遇、相认，如今却阴阳相隔，这个结果实在太残酷。

牙佬难得跟童年时有过几面之缘的朝霞重遇，并发展成恋人，早前两人已准备结婚，仲打算离开城寨过平凡人的生活。如今天人永隔，牙佬唯有买下佢与朝霞邂逅的面档，睹物思人也好……

牙佬不知几想与朝霞过平凡日子，两口子甜蜜地经营面档，闲时弄子为乐，岂不乐哉… 但一切一切都只能是幻想。

朝霞已死、拳佬已盲，但为咗唔令三姨婆(梁舜燕饰) 伤心，拳佬唯有好勉强地自己夹豉汁排骨食。另外又欺骗三姨婆，指朝霞和牙佬私奔，坐飞机去马六甲结婚，应该以后都唔会返嚟……

虽然在三姨婆面前要扮到若无其事，但讲起妹妹的种种，拳佬亦禁不住双眼通红。其实讲呢种善意的谎言，往往是最痛心……

为咗三姨婆安全，佢当然唔可以再留在城寨，拳佬好快便送佢回到澳门，两人在码头时不免显得难舍难离……

虽然拳佬瞒住三姨婆都系唔想佢伤心，不过大家都知道三姨婆精灵又鬼马，点会咁容易呃到佢！佢离开香港前特地买咗一袋茶粿俾拳佬，原来收咗一封信在内……

其实世事都被三姨婆看透了，拳佬话朝霞私奔，但原来佢早前先话未办旅游证件；拳佬勉强食豉汁排骨，但三姨婆知道佢由细到大都唔钟意豉汁味。三姨婆明知拳佬双眼有事，而且估到朝霞可能已经不在人世，不过忍痛扮唔知……

三姨婆唔希望成为拳佬的负累，所以愿意返澳门，就系为咗拳佬放心做自己要做的事。见到老戏骨梁舜燕在呢场戏，一边托人写信一边痛哭落泪，小编就系喊到停唔到……

此刻的拳佬双目失明，不单难以替妹妹报仇，就连三姨婆都瞒不住，令佢老人家伤心难过… 观众事前以为呢一集只为花曼之死而喊，点知原来洋葱位不断出现，监制实在太残忍……

拳佬牙佬刁兰都有份花曼半夜喊住写遗书

《城寨英雄》去到尾聲，花曼率先犧牲，周四晚被黑衣人殺死一幕慘絕人寰，觀眾粉絲睇到勁心噏，連陸永囡囡Hannah都喊到收唔到城，要爸爸攬實安慰呀陰功豬！睇嘅人唔捨得，就連王君馨本人都好入戲，睇完自己死嗰集之後，半夜連寫三封「遺書」俾拳佬、牙佬同刁蘭！夜麻麻搞啲咁sad嘅事，係咪嫌觀眾未喊夠先？

以為花曼，應該係朝霞，終於可以同牙佬有情人終成眷屬，點知最後因為查到誰是真兇而慘被殺害。花曼、貓仔輪流死，拳佬又變盲佬，好多觀眾都鬧爆編劇殘忍，寧願幾個主角齊齊整整，圍埋BBQ做ending！

睇住自己壯烈犧牲，王君馨忍唔住喊，除咗拍片多謝觀眾愛戴，仲寫咗三封信俾阿哥拳佬、未來阿嫂刁蘭同未婚夫牙佬，句句都感人肺腑，真心feel到君馨對呢個角色同呢套劇有幾上心，抵讚！

朝霞給哥哥的信

拳佬親眼睇完妹妹慘死，之後仲盲埋，其實拍得住朝霞咁苦命！君馨封信咁話：「哥！好開心咁多年後都可以見返你！喺我地相認呢段日子裡面好感受到你對我嘅照顧同愛。希望你唔好為左我報仇，好似我為啊爸啊媽咁冇左自己嘅人生。記住要好好照顧三姨婆，得閒買多啲茶粿俾佢食！同埋，刁蘭真係一個好好嘅女仔，值得你一生一世保護同愛錫她！我代你原諒左佢啦，聽阿妹話，快啲同刁蘭結婚等三姨婆可以飲番杯新抱茶！仲有，你原諒阿風啦，佢屋企人唔喺度，一時間接受唔到先會做左一個錯嘅決定。你係佢唯一嘅好朋友，你要體諒佢，照顧佢，搵返個好女仔俾佢，等佢唔使一個人孤零零。我唔喺度，你記住唔好再咁百厭，要繼續開開心心生活落去！永遠掛念你的阿妹，朝霞」

朝霞給刁蘭的信

至於刁蘭，其實朝霞一早已經原諒咗佢，仲叫佢做阿嫂，可惜刁蘭同朝霞一樣，都係難逃一死！「刁蘭，我可以叫你啊嫂嗎？你應該都唔會拒絕嘅。雖然我地相識嘅日子唔長，但我睇得出你係一個有情有義嘅人，好照顧身邊需要幫忙嘅人，而且對啊哥一心一意，希望你可以幫我好好照顧佢。雖然佢有時有些小朋友脾氣，做嘢又衝動唔經大腦。但佢好顧家架！係出邊賺嘅錢全部都會畀晒你，好好保護你，等你可以無後顧之憂。快啲同阿哥生番幾個小朋友俾三姨婆玩，祝你們可以永遠幸福咁生活落去！朝霞上」

朝霞給迎風的信

對未婚夫牙佬，朝霞都寫咗封好長好感人嘅信，最抵死係PS嗰段畫風突變，君馨由感人mode轉咗去黑幫mode，叫人帶齊人馬去打爆歐瑞偉個頭！「親愛的迎風，多謝你，多謝你係我生命中出現。你對我的愛護和信任喚醒了我的心。以前我的世界只有黑和白，但你的出現為我的人生添上了色彩。那支藥油、那對繡花鞋、那壼芽菜湯… 這一切你為我貼身準備的禮物我全都收到。很掛念我們一起練八極拳、踩單車、行沙灘的時光。可惜我們相處的時間實在太少。看見你一個人坐在大牌檔我個心好痛好想抱着你同你講呢一切都會過去，但我做不到。對不起，一萬個對不起！多謝你，一萬個多謝你！我最後的心願就係希望你同啊哥可以和平共處，凡事都有商有量一齊好好守護城寨！做真真正正的城寨英雄！永遠愛你的，朝霞/花曼。By the way, 王君馨有啲野想講：快啲打爆歐瑞偉個頭！*即係砵仔糕老闆* 佢先至係終極Boss!!! 如果唔係貓仔就會死得好慘架啦！快啲叫齊人馬去隊冧佢！去啦城寨英雄！！！」